Algemene info | Persberichten | Polis info | Preventie tips | Polis ABC | Links | Police kids

Polis info

Nieuws brief juni 2001

Prólogo mei 2001

E foyeto aki ta esun promé den un seri ku riba un base regular lo ser emití pa kuerpo polisial di Boneiru. Durante di reunionnan ku polis tabatin ku gruponan den nos komunidat a sali na kla ku tin hopi konfushon enkuanto di e trabou di polis i e alternativanan ku tin ora ku un siudadano yega serka polis. Meta di e foyeto aki i di e otronan ku lo sigui ta pa kita e dudanan ku tin i pa promové e kontakto entre e siudadano i polis.

Reorganisashon di polis

For di promé di òktober 1999 polis ta pasando den un proseso di reorganisashon. E reorganisashon ta impliká ku ta pone enfasis riba polis den bario i riba un polis mas mihó formá pa hasi e trabou den bario. E proseso ta kanando poko poko pero sigur.

Plan di maneho

For di yanüari 2000 kuerpo polisial ta traha abase di su plan di maneho ku tin un durashon di tres aña. Un di e puntonan kardinal di e plan aki ta e trahamentu huntu di nos pueblo i polis; ta solamente dor di traha huntu tantu polis komo pueblo lo saka e máksimo probecho riba tereno di prevenshon i kombatimentu di kriminalidat riba nos isla. Den e foyetonan ku lo sigui polis lo sigui elaborá riba su plan di maneho.

Algemene info | Persberichten | Polis info | Preventie tips | Polis ABC | Links | Police kids

Web site designed, maintained and hosted by BonaireNet n.v Web site sponsored by BonaireNet n.v .